କେନ୍ଦୁଝର : ପୁଣି ଘଟିଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା । ଭାରସ୍ୟାମ ହରାଇ ଘାଟିରେ ଓଲଟିଲା ପୋଲିସ୍ ବସ୍। ଦୁର୍ଘଟଣାରେ ପ୍ରାୟ ୫ ଜଣ ପୁଲିସ କର୍ମଚାରୀ ଆହତ ହୋଇଛନ୍ତି। କେନ୍ଦୁଝର ଜିଲ୍ଲା କାଞ୍ଜିପାଣି ଘାଟିରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି। ଦୁର୍ଘଟଣାରେ ଆହତ ହୋଇଥିବା ପୋଲିସ୍ କର୍ମଚାରୀ ମାନଙ୍କୁ ପ୍ରଥମେ ପ୍ରାଥମିକ ଚିକିତ୍ସା ଦିଆଯାଇଥିଲା । ଏହାପରେ ସମସ୍ତେ ସୁସ୍ଥ ଥିବା ଜଣାଯାଇଛି। ସୂଚନା ଅନୁସାରେ ସମାକୋଇ ଜଳସେଚନପ୍ରକଳ୍ପକୁ ବିରୋଧ କରି ଆଜି ଚକଧର ସମନ୍ୱୟ ସମିତି ୧୨ ଘଣ୍ଟିଆ ତେଲକୋଇ ବନ୍ଦ ଡାକରା ଦେଇଛନ୍ତି। ଆଜି ସକାଳେ ପୋଲିସ୍ କର୍ମଚାରମାନେ ବନ୍ଦ ସ୍ଥଳକୁ ବସ୍ ଯୋଗେ ଯାଉଥିଲେ। ଏହି ସମୟରେ କାଞ୍ଜିପାଣି ଘାଟିରେ ଗାଡ଼ିଟି ଭାରସାମ୍ୟ ହରାଇ ଘାଟିରେ ଓଲଟି ପଡ଼ିଥିଲା।
