ଅଗ୍ନିପଥ ପରୀକ୍ଷାରେ ବିଫଳ ହୋଇ ଜୀବନ ହାରିଲେ ଯୁବକ

ଫୋକସ ପ୍ଲସ(ବ୍ୟୁରୋ)୨୭/୦୮/୨୦୨୨: ଉତ୍ତରପ୍ରଦେଶର ଜଣେ ୨୩ ବର୍ଷୀୟ ଯୁବକ ଅଗ୍ନିପଥ ନିଯୁକ୍ତି ରାଲିରେ ବିଫଳ ହେବା ପରେ ଆତ୍ମହତ୍ୟା କରିଛନ୍ତି ।ମୃତକଙ୍କ ନାମ ପାହାଡ ରାଜ୍ୟ ପୌରୀ ଗରୱାଲ ଜିଲ୍ଲାର ନାଉଗାଓଁ କାମଣ୍ଡା ଗାଁର ବାସିନ୍ଦା ସୁମିତ କୁମାର ବୋଲି ଜଣାପଡିଛି। ସେ ଅଗ୍ନିଭୀର ନିଯୁକ୍ତି ରାଲିରେ ଯୋଗଦେବା ପାଇଁ କୋଟୱାର ଯାଇଥିଲେ। ଏହା ତାଙ୍କ ଶେଷ ସୁଯୋଗ ବୋଲି ସେ ଜାଣିଥିଲେ |ତେବେ ସେ ପରୀକ୍ଷାରେ ବିଫଳ ହୋଇଥିଲେ। ପରିବାର ସଦସ୍ୟ କହିଛନ୍ତି ଯେ, ସୁମିତ ଅଗଷ୍ଟ 24 ସନ୍ଧ୍ୟାରେ ଘରକୁ ଫେରି ଆସିଥିଲେ। ସଙ୍ଗେସଙ୍ଗେ ନିଜକୁ ଘରଭିତରେ ବନ୍ଦ କରି କାହା ସହ କଥାବାର୍ତ୍ତା କରିନଥିଲେ।ପରଦିନ ପରିବାର ଲୋକେ ସୁମିତଙ୍କୁ ତାଙ୍କ କୋଠରୀର ଛାତରେ ଝୁଲୁଥିବାର ଦେଖିବାକୁ ପାଇଥିଲେ । ପରେ ପୋଲିସକୁ ସୂଚନା ଦେଇଥିଲେ ।ସୁମିତଙ୍କ ପିତାମାତା ଶବ ବ୍ୟବଛେଦ କରିବାକୁ ମନା କରିଦେଇଥିଲେ ତେଣୁ ତାଙ୍କ ମୃତଦେହ ତାଙ୍କ ପରିବାରକୁ ହସ୍ତାନ୍ତର କରାଯାଇଥିଲା ।ଅଗ୍ନିପଥ ଯୋଜନା ଅଧୀନରେ ଗରୱାଲ ରାଇଫଲ୍ସ କୋଟୱାରରେ ଅଗ୍ନିଭାଇର ଆର୍ମି ନିଯୁକ୍ତି ରାଲିର ଆୟୋଜନ କରିଛି। ଅଗଷ୍ଟ 19 ରୁ ଅଗଷ୍ଟ 31 ପର୍ଯ୍ୟନ୍ତ ଏହି ନିଯୁକ୍ତି ରାଲି ଅନୁଷ୍ଠିତ ହୋଇଛି ଏବଂ ଗରୱାଲ ଡିଭିଜନର ସାତୋଟି ଜିଲ୍ଲାରୁ 63,000 ରୁ ଅଧିକ ସେନା ଆଶାୟୀ ଏହା ପାଇଁ ପଞ୍ଜୀକୃତ ହୋଇଛନ୍ତି।

ବ୍ୟୁରୋ ରିପୋର୍ଟ ଫୋକସ ପ୍ଲସ |