ପୁଣି ମାଓବାଦୀଙ୍କ ବର୍ବରତା

ଫୋକସ ପ୍ଲସ(ମାଲକାନଗିରି)୨୭/୦୮/୨୦୨୨: ପୁଲିସ ଇନଫର୍ମର ସନ୍ଦେହରେ ଗ୍ରାମବାସୀକୁ ନିର୍ମମ ହତ୍ୟା।ଧାରୁଆ ଅସ୍ତ୍ରରେ ଗଳାକାଟି ଘଟାଇଛନ୍ତି ହତ୍ୟାକାଣ୍ଡ। ମୃତକ ଗ୍ରାମୀଣର ନାଁ ରାମଲାଲ ପୋଟାଇ ବୋଲି ଜଣାପଡିଛି। ହତ୍ୟା ପରେ ଶବକୁ ଗାଁ ନିକଟରେ ଫିଙ୍ଗି ଦେଇଛନ୍ତି। ପରିବାର ସଦସ୍ୟ ଘଟଣା ସମ୍ପର୍କରେ ଜାଣିବା ପରେ ଥାନାରେ ସୂଚନା ଦେଇଛନ୍ତି। ପୁଲିସ ହତ୍ୟା ମାମଲା ରୁଜୁ କରିଛି।ମାଲକାନଗିରି ସୀମାନ୍ତ ନାରାୟଣପୁର ଜିଲ୍ଲା ଫରସଗାଁଓ ଥାନା ଅନ୍ତର୍ଗତ ଖଡକାଗାଁଓରେ ଶୁକ୍ରବାର ରାତି ପ୍ରାୟ ୮.୩୦ ମିନିଟ ସମୟରେ ସାଧା ପୋଷାକରେ ୪ ଜଣ ଅସ୍ତ୍ରଧାରୀ ମାଓବାଦୀ ରାମଲାଲ ଘରେ ସେ ଓ ତାଙ୍କର ଭାଇ ଭାଉଜ ବସିଥିବା ବେଳେ ରାମଲାଲର ହାତ ବାନ୍ଧି ଘର ଠାରୁ କିଛି ଦୂରରେ ନେଇ ଅତି ନିର୍ମମ ଭାବେ ହତ୍ୟା କରି ଦେଇଥିଲେ। ରାମଲାଲକୁ ପୁଲିସ ଇନଫର୍ମର ଅଭିଯୋଗ ଲଗାଇ ହତ୍ୟା କରିଛନ୍ତି ମାଓବାଦୀ। ଶବ ନିକଟରେ ପୋଷ୍ଟର ଫିଙ୍ଗି ପୁଲିସ ଇନଫର୍ମର ନ ହବାକୁ ଦେଇଛନ୍ତି ଚେତାବନୀ। ନଚେତ୍ ଏହିଭଳି ଦଶା ଭୋଗିବାକୁ ପଡ଼ିବ। ସେପଟେ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।

ମାଲକାନଗିରି ରୁ ନିରଞ୍ଜନ ମଲ୍ଲ ଙ୍କ ରିପୋର୍ଟ ଫୋକସ ପ୍ଲସ।